ұрыс барысында атысты басқару

Ұ.б.а.б-ға мына шаралар кіреді: қарсыластың нысаналарын барлау, оларды бағалау, жою кезектілігін анықтау, нысананы көрсету, нысаналарды жою үшін қарудың және оқтың түрін, атыс жүргізудің әдісі мен атыстың түрін таңдау; атыс ашу мерзімін анықтау; атыс тапсырмасын жүктеу немесе атыс ашуға пәрмен беру; атудың нәтижесін бақылап, оны түзеу; атыс маневрін жасау мен оқ-дәрі шығынына бақылау жасау. Әр деңгейдегі командирлердің атысты басқару міндеттерінің мазмұны бөлімшелердің ауқымдылығы мен олардың қару-жарағына байланысты өзгереді. Бірақ барлық жағдайдағы атысты басқарудың мақсаты бөлімшелердің атыс құралдарын қысқа мерзімде қарсыласты көп шығынға ұшырату, оқ-дәріні аз жұмсап, өз шығынын азайтып, толық және нәтижелі қолдану болып табылады. Офицерлермен командирлік дайындық жүйесінде бөлімше коман-дирлерін далалық жағдайда атысты басқаруға машықтандыру мақсатымен жүргізілетін сабақтардың мазмұны командирлік дайындық жүйесіндегі тактика бойынша пысықталатын тақырыптармен үйлестіріледі. Атысты басқару сабақтары тактикалық дайындық сабақтары өткізілген жерде, сол сабаққа үйлес тактикалық жағдайда өткізіледі.